Infosite mat Traileren a Biller
Mat "Jobs" ass wuel den Apple-Fan-Film schlechthin an de Kino komm; ganzer 2 Stonnen an 8 Minuten kann den Apple-Fan sech hei d'Geschicht vum Liewen vum Steve Jobs ukucken... zumindest kéint een daat mengen! Hei den Trailer:
Fierwaat een daat menge kéint? Bein, de Film heescht "Jobs" an um Cover ass dem gudde Mann säi Gesiit, fierwaat sollt et also net em säi Liewe gooen? Daat ass eng gudd Froo op déi d'Maacher vum Film wéi et schéngt awer eng Änfert fonnt hun, an et sou fäerdeg bruet hun, menger Meenung no, d'Thema ze verfehlen, wéi mer sou oft am Secondaire gesoot kruuten!
De Film fängt mat enger Szene aus dem Jooer 2001 un, daat Jooër wou de Steve den iPod viergestallt huet, an domat quasi d'Musik-Industrie revolutionnéiert huet. An dëser Szene ass een sech ufänglech net ganz sëcher ob een grad en Original-Extrait kuckt, oder ob et den Ashton Kutcher ass deen do spillt - d'Ähnlechkeet ass verblüffend. Duerch dësen éischten (gudden) Androck huet een folglech och duerch de ganze Film keen Zweifel méi drun ob heen op dës Roll passt; hee gläicht him wéi eng Drëps Waasser, ausser d'Stier a verschiddenen Szenen.
No dëser Szene vun 2001 fängt de Film dann sou richteg un; an der Jugend vum Steve - eng Zeit voller Drogen, Affairen, a Buerféiss rondremlaafen, an et kritt een e klengen Abléck wéi heen a seng Kollegen sou ticken. Zimmlech séier kënnt dann awer de Moment wou et serieux gëtt an den éischten "Apple-Computer" séng Form anhëllt... bis dohin ass och alles zimmlech gudd.
Leider leid de Film ab dësem Moment e Bëssen - op eemol huet een, bis op e Puer kleng Szenen, den Androck dass de Film sëch méi em d'Firma an ëm den éischte "Macintosh"-Computer dréine géiff, wéi em de Steve selwer. Dëst ass fierun allem bemierkbar doduerch dass ëmmer manner Emotiounen vum Steve gewissen gin, an méi bürokratesch Inhalter optauchen, duerch daat Ganzt Firma-Gedeessems. De Film verleeft ab deem Moment eigentlech zimmlech lineär an gëtt e Bësse langweileg, bis zu deem Punkt wou, een fier mech onverzeibare, Fehler optaucht; neemlech e Schnatt.
E Schnatt vun 15 Jooër, vun enger Szene op déi aaner ass de Steve net méi um Buedem zerstéiert, net méi depriméiert, ass 15 Jooër méi aal, huet 2 Kanner an ass bestued. Einfach sou. Wéi kann een an engem Film deen noom Haapt-Personnage benannt ass, einfach sou 15 Jooër (an deene warscheinlech ganz vill moralesch Ännerungen a sengem Kapp viergaang sin, an heen vill duerchgemaach huet) iwwersprangen? Kuerz duerno hällt de Film dann awer och schon op, an daat amfong (wann een d'Ufanks-Szene mat zielt) am Jooër 2001 - daat Jooër wou d'Leit rëm ugefaangen hun vun Apple ze schwetzen.
1) Wann et eng Biographie soll sin, fierwaat ass den Dout, an d'Konsequenzen vu sengem Dout, net mat am Film, a fierwaat kréie mer net gewissen wéi säi Liewen no 2001 verlaaf ass?
2) Wann et keng Biographie soll sin, mee den "Macintosh Computer Movie" (waat e besseren Titel fier de Film wier), fierwaat kréie mer dann net d'Jooëren 2001-2012 gewissen, waat markant a wichteg Jooëren waren an deenen Apple sämtlech Verkaafszuelen mat hieren iMacs an hierer Laptop-Serie gesprengt huet?
Ierjendwéi gëtt de Film an deenen 2 Aspekter net vill Sënn, an e wierkt onstrukturéiert; doduerch dass am Ufank souvill vum Steve gewissen gëtt, am um Schluss (ab der Halschent amfong) baal nëmme nach vu Computere geschwaat gëtt kritt een den Androck dass sech d'Maacher net eenz waren op weieen Thema se sëch konzentréiere sollen, an dann einfach e Mitsch-Matsch produzéiert hun... Ech gin dem Film eng enttäuschend Wertung vu 4.5/10 op der berühmter Ulmerich-Skala, an ech géiff sooen dass et besser wier sëch dee Film bei Gelehenheet um TV unzekucken, wéi en am Kino ze gesin. E Puer Punkten kruut de Film zesummegekraatzt well den Décor an d'Schauspill-Leeschtung vum Ashton schon zimmlech solide waren!
bis dohin,
stay tuned.
Keine Kommentare:
Kommentar veröffentlichen