Movies: The Conjuring

The Conjuring - by James Wan

Infosite mat Traileren a Biller

Eigentlech hun ech Horrorfilmer io net gäer. Net well ech fäerten oder Owes net méi schloofe kann, mee well déi meescht Horrorfilmer, bis op e Puer gudd Ausnahmen, entweder zimmlech schlecht gemaach sin oder einfach nëmmen domm sin. All dëst trëfft net op "The Conjuring" zou! Mat dësem Film leeft lo säit laangem mol rëm en gruselegen, net mat Blutt vollgetränkten an spannenden Horrorfilm am Kino!

Et geet also drëm dass eng Famill en Haus keeft, an daat haut ass natierlech net su ganz an der Reih (schliesslech muss den Horror io ierjendwou hierkommen ;) ). Nodeems sie déi eng oder aaner Nuecht am neien Haus verbréngen an deenen zimmlech koomesch Saache geschéien sichen sie d'Hëllef vun 2 Experten an dësem paranormalen Domaine op. Waat doropshin follëgt ass zimmlech gudden Horror!

Et huet lo kee Wert eenzel Szenen ze beschreiwen, well se werten blöd kléngen; de Film bréngt et awer fäerdeg dass daat waat geschitt effektiv net lächerlech ausgesäit, an een zum fäerten bréngt - oder zumindest ass engem net méi alles ganz egal. Nierft der Haapt-Story an den Geschehnisser dovun bidd de Film awer nach Klengegkeeten an Nierwengeschichten déi daat Ganzt e bëssen méi versatile a komplex maachen.

Mech huet fierun allem iwwerrascht wéi gudd et dem Réalisateur gelongen ass Angscht an engem ze erwecken, ouni op Galloune vu Konschtbludd an rondremfléiende Kierperdeeler ze setzen. De Gros (ca. 90%) vun den gruselegen Szenen beinhalten einfach iwwerhaapt kee Bludd, mee se sin einfach eenorm creepy oder schockéirend - dëst si Qualitéiten déi ech an engem gudden Horrorfilm sichen!

Daat eenzegt waat mëch gestéiert huet ass den Titel... am ganze Film gëtt neemlech net eng Kéier eppes "beschwört", waat awer leider d'Iwwersetzung vum Filmtitel ass, mee egal! Ech gin dem Film 8.0/10 op der net grad sou berühmter Ulmerich-Horror-Skala an ech géiff sooen dass der Ierch dëst Wierk op alle Fall musst ukucken!

bis dohin,
stay tuned.