Movies: 2 Guns

2 Guns - by Baltazar Kormákur

Infosite mat Traileren a Biller

Zwee Agenten, ee vun der DEA an een vun de Marines gin als Team zesummegesaat fier eng Bank auszerauben - den Hooke bei der Saach ass dass kee vun deenen 2 iwwert den Aanere bescheed weess; emsou méi erféieren se wann se daat rausfannen! Daat Ganzt hëllt sein Höhepunkt wann se mierken dass net dei geplangten 3 Millioune geklaut hun, mee ganzer 40, an daat waren dem CIA seng Suuen! Dei 2 Haaptschauspiller (Mark Wahlberg an Denzel Washington) stierchen also zimmlech a Schwieregkeeten!

Wéi een am Trailer mierkt handelt et sëch em en Actionfilm mat engem gewëssen Sënn fier Humor - eng intressant Mëschung déi ganz gäere mol ka schief gooen! Gott sei Dank ass dëst awer net de Fall bei dësem Film... Eng agreabel Längt vun 109 Minuten, souwéi eng gudd Oofwiesslung vun serieuxen an witzegen Szenen an déi duerchaus gudd Schauspillerleeschtung maachen e gudd Stéck Entertainment aus dësem Wierk!

D'Frëndschaft déi sëch tëscht den 2 Undercover-Agenten opgebaut huet bidd eng gudd Reih un "Bromance"-Witzer, souwéi déi eng oder aaner Szene wou een sech net sëcher ass ob se de Geck mat deem Aanere maachen, oder ob se serieux sin. Ab und zu huet ee bëssen Androck wéi wann den Denzel Washington déi méi erwuesse Roll huet vun deenen 2, mee duerch kléng Dommheeten a Spillereien kann een sech och do net all ze secher sin ;).

Vun der Story souwei vun der Actions hier muss ech sooen dass mer de Film deck gudd gefall huet: keng iwwerdriwwe grouss an onrealistesch Explosiounen, keng Pistoulen mat 160 Schoss pro Magazin, an eng gewësse Lässegkeet vun den Haapt-Protagonisten. Et ass mer wärend dem Film net sou opgefall, mee am Nachhinein mierken ech dass ech mech absolut net gelangweilt hun, an dass ech permanent ënnerhaalen war - daat si Qualitéiten déi een ëmmer méi selten begéint!

Nodeems ech den Denzel Washington an "Flight" zimmlech gäer haat, huet et dann och de Mark Wahlberg lo gepackt dass ech en mat aaneren Aaen kucken; ierjendwéi gëtt hee mer sympatesch, zumools no dëser Roll déi einfach gudd bei hee passt! Ech gin dem Film 7.4/10 op der berühmter Ulmerich-Skala... dee kënnt der roueg kucke gooen!

bis dohin,
stay tuned.