Movies: We're the Millers

We're the Millers - by Rawson Marshall Thurber

Infosite mat Traileren a Biller

"We're the Millers" ass eng nei approche vun Hollywood eis un d'Laachen ze bréngen, an well den Zuschauer ëmmer mei Saache gewinnt ass, fällt daat de Filmer a leschter Zeit ëmmer méi schwéier - majo dëse Film bréngt et fäerdeg mat nëmmen engem Grapp voll Personnagen dem Zuschauer e Grinsen op d'Gesiit ze bréngen, an daat méi wéi nëmmen 1 mol!

D'Ausgangs-Situatioun eleng ass schon aussergewéinlech: en Drogeschmuggler sicht sëch aus sengem Bekanntekreess 3 random Persounen raus, déi dann fier ee Weekend seng Famill solle spillen - d'Famill Miller. Bei de Charakteristiken vun der Famill Miller gëtt absolut kee Cliché vun enger richteg peinlecher Famill ausgelooss - also déi perfekt Verkleedung fier den Drogenjob an fier eng Reih u witzegen Szenen!

Wéi ech scho soot ass de Film zimmlech witzeg, awer net an engem "ech laache mech konstant futti"-Genre, mee éischter an engem "ech gin permanent bei Laun gehaalen, mat periodeschen Laachkriisen"-Stil! Dofier ass menger Meenung haaptsächlech een vun de Millers verantwortlech, neemlech de Kenny, also de Bouff vun der "Famill". Heen zielt dei koomescht Saachen, behëllt sech absolut naiv AN him geschéien sou witzeg Saachen dass een sech heiansdo wënscht et wier een Sur-Place fier et hautnoh ze erliewen.

Natierlech dréit sech de Film net nëmmen em den aarme Kenny; all Famille-Member souwéi deen een oder aaneren Nierwepersonnage huet och mol en haart Laachen aus mer hervier geruff, oder wéi am Fall vum Jennifer Aniston en "Wéi kann hat nach emmer genee sou ausgesin wéi deemols bei Friends??!". Trotzdem war ech e ganz ganz Bëssen vum Film enttäuscht, well ech mer wierklech en Laachkrampf-Film erwaard hun, aus deem ech mat Bauchwéih rausgin...

Trotzdem hun ech de Film zimmlech witzeg fonnt, an en ass definitiv empfehlenswert! Bleiwt onbedingt nach bëssen sëtzen nodeems de Film fäerdeg ass, do kommen neemlech nach "Bloopers", déi effektiv richteg witzeg sin; daat ass eppes daat ech mer mol méi oft bei Filmer géiff wënschen, zumools bei sou engem! Ech gin dem Film 7.5/10 op der net grad sou berühmter Ulmerich-Humor-Skala!

bis dohin,
stay tuned.