Movies: Elysium

Elysium -  by Neill Blomkamp

Infosite mat Traileren a Biller

Elysium spillt an enger semi-apokalyptescher Zeit (d'Jooer 2154 fier genee ze sin) an der verschidde Mënschegruppen, am allgeméngen déi mi wohlhabend, de Planéit Erd verlooss hun an hiert Liewen lo op "Elysium" weiderféieren. Dësen "Elysium" ass eng Art "frëndlechen Deathstar" - also eng verdammt grouss Metallstruktur op der Liewe gefouert ka gin, an daat mat Hëllef vun spezieller Technologie dei et erlaabt dass do eng Atmosphere entsteht. Wei een et sech baal denke kann passt dës ongerecht Situatioun net jidderengem...

Wéi een am Trailer nach erkläert kritt existéiert op Elysium keng Aarmut, keng Gewalt a keng Kankreten (a wann, da sin se an 10 Sekonnen mat engem Apparat fort) - e Grond méi fier déi wou op der Erd zréckbliwwe sin wëllen dohin ze kommen! A genee dorëms dréint sëch de Film: déi Aarm a krank wëllen mat alle Mëttelen op Elysium, an déi räisch a staark wëllen daat mat allen Mëttelen verhënneren. Den Haaptpersonnage, gespillt vum Matt Damon, kritt dann awer d'Missioun op Elysium anzebriechen an et fier jiddereen zougänglech ze maachen... fier de Recht vun der Geschicht musst der awer scho selwer an de Kino gooen!

Technesch gesin mierkt een dass de Film vum Maacher vun "District 9" ass - vill Szenen hun am Apsekt vun der Kameraféierung Ähnlechkeeten, an déi liicht "verwackelt" Biller drooën gudd zur éischter chaotescher an hëtzeger Stëmmung, déi op Erden herrscht, bei. Den zweeten Star am Film ass d'Jodie Foster, waat eigentlech genee de Contraire vum Matt Damon spillt: eng eiskaal Chefin vun Elysium, räisch, gesond a beschützt. Am Film haasst et hat (zumindest hun ech daat), waat io amfong kee schlecht Zeechen ass am Hibléck op d'Schauspillleeschtung!

Op et gewollt ass oder net (wubäi ech mer schwéier ka vierstellen dass et net gewollt ass); et kann een vill Parallelen mat der aktueller Gesellschaft zéien. Daat ganzt Thema vu wegen "déi wou et gudd hun, déi wëlle keng Kompromisser agooen fier dass et deene wou aarm dru sin en Tick besser geet" war, ass, an wert wuel nach eng gudd Zeit der Wourecht entspriechen. An deem Sënn spijelt de Film eng kleng Kritik un der Geselleschaft duer, an vermëttelt um Schluss suguer nach e Message. Dofier dass de Film awer sou e Message vermëttele wëll, fannen ech dass VILL ze vill Gewalt dra vierkënnt... gudd, dass sou en Space-Film net ouni Action-Szenen auskënnt ass mer bewosst, mee fierun allem ab der zweeter halschent ass de Fokus nëmmen nach um Kämpfen an op méijlechst vill Schock-Momenter an Explosiounen.

Trotzdem fannen ech dass "Elysium" kee schlechte Film ass; déi bësse méi fräi Kamera huet mer gudd gefall, d'Visual Effects sin och op kee Fall vu schlechten Elteren, an d'Besetzung iwwerzeegt - an daat koum grad vun engem deen de Matt Damon bis lo nëmmen an engem Brochdeel vu senge gefillten 10'000 Rollen gudd fonnt huet. Ech gin dem Film 7.1/10 op der berühmter Ulmerich-Skala; et ass en soliden Film mat genuch vun allem, an menger Meenung no awer zevill Gewalt an zevill oppene Frooën (fierun allem vun der Technologie dei sie benotzen).

bis dohin,

stay tuned.