Movies: This is the End

This is the End - by Evan Goldberg & Seth Rogen

Infosite mat Traileren a Biller

Mat "This is the End" leeft am Kino en zimmlech witzegen, mee awer och staark kritiséierte Film am Kino. An dësem Wierk geet et, wéi an sou ville Filmer, ëm d'Apocalypse - em sou méi selbstverständlech ass et dass also eng kleng Grupp vun Haaptpersonagen begleet gëtt wéi se probéieren ze iwwerliewen. Daat Speziellt un der Saach ass dass all Schauspiller sëch selwer spillt, also  spillt den James Franco zum Beispill den James Franco.

Wéi ech also scho soot geet d'Welt ënner, an zwar genee sou wéi et an der Bibel steht; et kommen Liichtstrahlen vum Himmel op de Buedem fier déi würdeg Leit ze retten, an all déi Aaner kënne kucken dass se eenz gin an iwwerliewen. Wéi den Zoufall et sou wëll ass daat mat Liichtstrahlen net sou de Fall fier d'Haaptpersonagen, an sou hëllt d'Geschicht ëm d'Iwwerliewen hiere Laaf!

Nierft dem James Franco an dem Seth Rogen spillen awer nach eng ganz Rëtsch aaner Schauspiller a berühmt Perséinlechkeeten mat. D'Rihanna, d'Emma Watson an den Channing Tatum sin nëmmen e Puer vun den onzielegen Schauspiller déi eng Apparence an dësem Film hun; an de Fait dass jiddereen sëch selwer spillt mëcht daat Ganzt och nach e gudd Stéck méi witzeg, well doduerch Witzer iwwert deenen eenzelne Leit hier Filmer gemaach kënne gin - a genee daat gëtt och gemaach! Et vergeht selten eng Minutt ouni eng Uspillung un en aaneren Film vun engem Deen an dësem matspillt... mol sin se offensichtlech, mee heiansdo och richteg gudd verstoppt an guernet evident!

An Humor-Aspekt ass de Film richteg witzeg, och wann den Humor-Niveau heiansdo zimmlech déiff läit an soumat net jidderengem gefaale wert. Leider ass dann do awer nach dee Problem dass et ëm d'Enn vun der Welt wéi et an der Bibel steht geet. Doduerch dass hei quasi de Geck mat hierem hellege Buch, an gleichzeiteg halt mat der Relioun, gemaach gëtt, fannen vill Chrëschten dëse Film skandaléis oder fillen se ugegraff - verständlech!

Ween awer atheist ass, oder sëch aus sou Saachen neicht mëcht, dee kann e Witz-geluedenen, eenzegaartege Film kucke gooen, bei deem een richteg gudd laache kann. Ech gin dem Film 7.4/10 op der berühmter Ulmerich-Skala!

bis dohin,
stay tuned.