Tatsächlech, ech haat scho geduet se géiff nie méi ophaalen! No ganzen 3 Méint an 3 Wochen absoluter Vakanz geet och fier mëch rem den Eescht vum Liewen un, an domat och d'Liewen als Filmstudent, fantastesch. Mat dëser neier Studien-Richtung an frëscher Energie sin ech voll motivéiert fier mäi Wëssen a Kënnen an deem Beräich ze verbesseren an Ierch (hoffentlech) fréier oder spéider d'Resultater dovun ze weisen! Als alleréischt wëll ech dann lo e Puer Ukënnegungen maachen waat Ierch alles erwoade wert an den nächsten Wochen:
Eng nei Kategorie!
Nierft "Movies" , "Youtube-Guide", an "Luca's Corner" wert dann lo gläich meng neist Kategorie un de Start gooen; se dréit de Numm "Top 10". Dëst wert eng wöchtenlech Lëscht sin déi meng perséinlech 10 bescht [whatever] vun engem Thema beinhalt. Mein Ziel war et eppes neies knackeges anzeféieren, daat net vill Zeit hëllt beim Liesen, awer dofier vill Inhalt riwwerbréngt. Ech denken dass déi meescht (zumindest mol am Ufank) dovun mat Kino an/oder Serien ze dinn werten, an dass ech spéider op aaner Themen iwwergräiffen - ech freen mech drop!
Den éischte Vlog!
Nee, lo wierklech, dës Kéier kënnt en, egal wéi kuerz oder laang e gëtt! Ech sin lo rëm deck motivéiert andauernd eppes ze Filmen an et ënnert d'Leit ze bréngen, a wee mech kennt dee weess dass ech och immens gäer mäi Blödsinn ënnert d'Leit bréngen - a wéi géiff daat besser gooen wéi mat engem Vlog. (Ech gesin iwwregens grad fieru mer wéi de Bob daat hei liest an sech freet wei e Kichelchen :p )
Vläit eng aaner nei Kategorie!
Op dës Idee huet de Sam mech bruet: e wöchentleche Bericht waat ech op der Filmschoul alles geléiert hun, bzw awéifern sëch dëse Studium vun engem méi "normalen" ennerscheed! Ech wert ob alle Fall deen een oder aaneren Erfarhungsbericht schreiwen... ob doraus awer eng eejen Kategorie gëtt hängt eenzeg an alleng dovun oof wéivill ech bäiléieren ;D
Déi nächst Deeg geet et awer wuel mol mat neien Movie Reviews weider, an zwar zu 3 richteg gelongenen Filmer!
bis dohin,
stay tuned.
Keine Kommentare:
Kommentar veröffentlichen