D'Uni kënnt méi noo!

Fierun ca. 2 Wochen hun ech Ierch gericht wéi et mer op der INSAS, enger Filmschoul zu Bréissel, gaangen ass, a wéi meng Tester verlaaf. Als klengen Reminder: ech soot dass alles amfong guernet mol su schlecht gelaaf ass. Den eenzege Problem deen duerno nach bestaanen huet war dass vun deenen ca. 70-80 Leit déi sëch, genee wi ech, fier d'Optioun "Image" gemellt hun, der héchstens 20 Stéck geholl gin, an wuel éischter nëmmen 15!

Gëschter war et dann sou wäit; ech kruut eng eMail mat engem PDF. An dësem ominéisen PDF soll eng Tabell drasinn wou drasteet ween dann lo an déi zweet Ronn geruff gëtt. Panesch a ganz hektesch maan ech d'eMail op an scrollen roof an gesin mäi Numm op däer Lëscht! Fier sëcher ze gooen hun ech nach séier d'Iwwerschrëft vum PDF kontrolléiert, an deen huet effektiv gesoot dass déi Leit op der Lëscht an déi zweet Ronn invitéiert gin!

Ech sin amomentan zimmlech frou an kann et kaum erwaarden de Méinden dohinner ze gooen an sie vu mer ze iwwerzeegen - déi "zweet Ronn" besteht neemlech aus engem perséinleche Gespréich mat e Puer Proffen, mam Ziel een besser kennen ze léieren. Gudd fier mëch ass och dass ech op der IAD (déi aaner Uni wou ech mech mellen) schon sou eppes gemaach hun, an dofier net méi grad sou opgereegt sin, mee ëmmer nach vill ;D Daat eenzegt Trauregt ass dass op der Lëscht keng vun deenen 5 Persoune steht, mat deenen ech mech an deenen 2 Deeg ugefrënnd haat, mee bon, haaptsaach ech sin drop :). Ech haalen Ierch natierlech weiderhin um Laafenden, an ech hoffen dass den nächsten Post zum dem Thema och en fröhlechen Ënnertoun huet!

bis dohin,
stay tuned.