Vill vun Ierch hun et bestëmmt scho matkritt, mee ech muss einfach e Post doriwwer maachen wéi dësen memorablen Daag verlaaf ass, an waat lo alles wert kommen! ALSO:
Den Daag huet ugefaang dass ech um 9 Auer waakrech gi sin, an ech wosst dass ech zu Louvain d'Resultater (laut dem Internet-Site) réicht Owes um 8 Auer wert kréien... déi loogesch Konsequenz war also mëch emzedréinen a bis ca. 11 Auer weiderzeschloofen - déi Zäit war gudd fort! Noom Opstooen gouff et en Update um Site vun der INSAS (daat ass d'Uni zu Bréissel, bei däer ech mech och gemellt haat, a wou ech schon an dei zweet Ronn komm war, wou mer vun 140 op 25 Leit roofgeschnidde gouffen). Dësen Update huet erkläert dass um 2 Auer Mëttes d'Resultater kommen.
Der kënnt äerch net vierstellen wéi onendlech laang mer déi Zeit tëscht 11 an 14 Auer vierkomm ass; daat waren 3 Stonnen voller Zidderen an Kribbelen am Bauch, an daat alles fier dann ze liesen dass ech do NET ugeholl sin. Doropshin ass dee schlëmmsten Deel vum Daag komm: vun 14 Auer Mëttes bis Owes 20 Auer woaden - komplett onméijlech! Ongedëlleg wéi ech war, sin ech trotzdem all hallew Stonn op de Site vun der IAD gaang, fier ze kucken ob nach kee Resultat do ass, an um 18 Auer, also 2 Stonnen fierun der Zeit waren d'Resultater endlech do, an dei schlëmmst 4 Stonnen vu mengem Liewen haaten e glécklecht Enn fonnt - ech sin ugeholl zu Louvain-la-Neuve op der Filmschoul.
Waat en eepeschen Daag! Da steet menger bombastescher Karrière an der Missioun meng "berühmt Ulmerich-Skala" effektiv berühm ze maachen io lo näicht méi am Wee! Iwwregens hun ech an de leschten 3 Jooër net een eenzege Film gesin wou an de Credits de Numm "Sven" dra vierkomm ass - daat muss ech natierlech onbedingt änneren!
bis dohin,
stay tuned.
Keine Kommentare:
Kommentar veröffentlichen