Movies: Out of the Furnace

Out of the Furnace - by Scott Cooper

Infosite mat Traileren a Biller

Mat "Out of the Furance" leeft säit Neistem en interessant Drama am Kino, daat a méi wéi engem Aspekt iwwerzeege kann. Et geet ëm d'Gebridder Baze, gespillt vum Christian Bale a Casey Affleck, déi un sëch grondverschidde sin. De Russell (Bale) probéiert souwäit et geet en anstännege Mann ze sin a säi Liewen an der Reih ze haalen, wärend säi Brudder de Rodney ëmmer méi déiff a Scholde geréit an domat och ëmmer méi verzweifelt Moossnahmen op sëch hëllt fier do raus ze kommen. Daat hëllt en dramateschen Twist wou beemol eppes mam Rodney geschitt, an de Russell all Spuer vun him verléiert.

Un dësem Film gin et, graff gesin, 3 grouss Elementer déi e gudd maachen, ech wert an den nächsten 3 Abschnitter jeweils iwwert eent vun deenen Elementer schwetzen. Fierdrun sierf awer nach gesoot dass de Film eng iwwerzeegend Geschicht riwwerbréngt déi net vun den typeschen Hollywood-Wonneren verschass gëtt, wéi zum Beispill enger iwwerflësseger Liebesgeschicht, oder enger Masse-Ballerei wou keen ierjendeppes trëfft. Allgemeng spillt de Film an enger éischter novollzéibarer a rauer Welt, déi der (leider vill ze heefeger) typescher amerikanescher Situatioun ganz no kënnt.

Fier unzefänken kënnt een net dolaanscht vun de Schauspiller ze schwetzen. Mat sou engem Star-Cast ka scho mol vu vier eran net méi alles schiefgooen. Christian Bale, Casey Affleck, Forrest Whitaker, Willem Dafoe a Woody Harrelson bréngen dëse Film zum glänzen. Zumools dem Christian Bale seng Leeschtung ass wierklech iwwerzeegend, dëse Genre vu Filmer geet him menger Meenung no e gudd Stéck besser wéi déi recht simpel Batman-Filmer, haaptsächlech well en hei säi richtegt Talent beweise kann! Mee och déi aaner Oscarpräisträger an dësem Film verkierperen hiere Personnage richteg gudd, waat natierlech immens zu der rauer an haarder Atmosphere beidréit.

Als zweete Punkt hu mer d'Geschicht an d'Ambiance. Iwwert d'Story kann een diskutéieren: engersäits ass se relativ "banal", ouni vill Nierwegeschichten an Hannergrondwëssen, aanerersäits ass et eng Geschicht déi tel quel aus dësem klengen verkommenen Duerf staame kéint. An do si mer och schon bei der Ambiance: de Film huet einfach den typeschen "klengt amerikanescht Duerf daat net méi sou ganz an Hochglanz ass"-Feeling, deen duerch divers Faktoren verstärkt gëtt (Propperheet, Slang, Stroossenzoustand, Gangs, d'Behuele vun der Police, et). En plus schafft de Russell an enger Schmelz, also engem haarden a schlechtbezuelten Job,sou dass daat Ganzt och nach un de Minette aus eisem Land erënnert, an un déi aal Zäiten.

de Casey Affleck gëtt méi wi eng Kéier schlëmm hiergeriicht

Dësen Minette-Effekt (wéi ech deen lo mol nennen) gëtt och nach doduerch verstärkt dass de Film op Band gefilmt gouff, an net digital, wou wéi mer daat haut des Daags io scho baal gewinnt sin. Vill Freihand-Kamera an eng gewëssen "onschärft" (am Verglach zum Ultra-Super-Mega-HD vun enger digitaler Kino-Kamera) drooen och zu dësem Effekt bäi. Mer ass fierun allem opgefall dass vill "Grain" am Bild war, also sou kleng Partikelen dei ee gesäit wann ee wierklech gudd kuckt - daat stéiert awer net a fällt engem normalerweis och guernet op! Allgemeng wëll dësen Abschnitt sooen dass wierklech gudd Aarbescht bei der Ambiance verbruet gouff!

Fier oozeschléissen géiff ech sooen dass "Out of the Furnace" e Film ass deen warscheinlech net all Mënsch gefaale wert, dofier ass en ze éierlech a réalistesch! Bei mer konnt en awer domat punkten; daat kann allgemeng all Film deen et fäerdeg bréngt dass ech net einfach nëmmen do sëtzen a kucken mee mer Suerge maachen an/oder ugespaant sin. Dofier gin ech dem Film 7.2/10 op der berühmter Ulmerich-Skala. Obwuel ech soot dass d'Story amfong genee sou geschitt kéint sin, fannen ech dass e ganz bëssen Hollywood-Magie net geschued hätt, a wier et nëmmen fier e ganz bësse méi Pepp ran ze bréngen!

bis dohin,

stay tuned.

PhysiLux

Wee mäi Blog schon eng Zäitchen verfollëgt deen erënnert sëch bestëmmt un dem Gerson säi Guest-Post, an deem heen sech e Bësse mat der Definitioun vun "Intelligenz" befaasst huet. Als recht intelligente Mënsch huet och heen sëch lo dofier décidéiert e Blog ze maachen, genee wéi ech... mat deem eenzegen Ennerscheed dass op sengem Blog gréisstendeels intelligent Saache stinn, waat ee vu mengem net ëmmer onbedingt behaapte kann (zumools wann ech en domme Video posten ;) ... oder e Smiley schreiwen).

Op sengem Blog beschäftegt heen sëch mat Physik, a sein Ziel ass et dem Normalstierwlechen d'Welt vun der Physik an hier Phänomäner e Stéck méi no ze brengen. Vu dass heen sëch schon d'Méih gemaach (an och maache wert) e Guest-Post fier mëch ze schreiwen, fannen ech dass ech roueg Reklamm fier säi Blog maachen kann, et ass op alle Fall e Bléck derwert! Ech hoffen dass heen net de Mut verléiert an dass vill Leit sëch dofier interesséieren (fierwaat och net, et geet schliesslech em Saachen déi wierklech geschéien an déi een genee sou beobachte kann!) Hei ass de Link, gidd roueg mol kucken:

www.physilux.blogspot.com

bis dohin,
stay tuned.

Movies: 12 Years a Slave

12 Years a Slave - by Steve McQueen

Infosite mat Traileren a Biller

"12 Years a Slave", Dréiher vum Golden Globe an der Kategorie "Best Motion Picture, Drama" zielt d'Geschicht vum Solomon Northub, engem schwaarze fräie Mann deen entfouert gëtt an komplett aus sengem gehuewene Liewens-Stil rausgerappt gëtt, fier dann als Sklav behandelt ze gin, deen de Numm "Platt" dréit. Dëst baséiert op enger richteger Geschicht a spillt an den 1850er Jooëren, also enger Zeit wou d'Rassentrennung nach e ganz grousst Thema war.

De Film mëcht Villes richteg gudd: d'Geschicht erzielen, d'Brutalitéit riwwerbréngen an e wierklech gudde Cast ubidden; trotzdem sin ech der Meenung dass de Film net DE beschte Film ass, an dass de Golden Globe och un en aanere Film hätt kënne gooen. Mee dozou kommen ech méi spéit, lo zielen ech als éischt mol vun de gudden Aspekter!

Storytechnesch gëtt et net vill auszesetzen, vun deem waat ech héieren hun (et gëtt io e Buch dozou) an et wierkt och net wéi wann Hollywood séng Fanger groussarteg am Spill gehaat hätt andeems se ierjendwelch Kitsch-Elementer an/oder Explosiounen abauen. Déi 2 Stonnen an 14 Minuten déi de Film dauert sin "recht gudd" gefëllt mat der Leidensgeschicht vum Solomon an et kënnt een op de Punkt wou een déi Wäiss richteg haasst, dorop pocht de Film immens. Zumools de Charakter deen de Michael Fassbender spillt haasst een wierklech krass, waat en Zeechen vun enger exzellenter Schauspillleeschtung ass!

Allgemeng haasst een déi Wäiss, zumindest de Gros vun hinnen, an ech mengen et gouff bis lo nach kee Film deen engem SOU offensichtlech klooër wollt maachen dass daat zimmlech Schäiss vun "eiser Säit" aus war waat mer matd eene Schwaarze gemaach hun. Bis op de Brad Pitt (an sou hallew de Benedict Cumberbatch (dee kennt der eventuell aus der Serie "Sherlock") spillt wierklech sou gudd wéi ALL wäissen am Film e Personnage deen een nëmmen haasse kann, waat och gréisstendeels mat der excessiver Gewalt/Folter zedinn huet. Dës Szenen dauren fier gewéinlech (an dësem Film) zimmlech laang a si wierklech intensiv. Sou gëtt et zum Beispill eng Szene wou wärend gudd 3 Minuten mat der Peitsch geschlooe gëtt an d'Kamera ständeg rondremwandert; ouni Schnatt, d'Kamera selwer gëtt bewegt, waat eng zimmlech Herausfuerderung ass, souwuel fier Schauspiller wéi och fier de Kameramann.

A genee doran läit och de Problem deen ech mam Film hun: sou vill ech begeeschtert sin dass d'Gewalt gnadenlos gewisse gëtt, also déi haart Réalitéit, sou vill geet se engem no enger Zäit op d'Nerven. Als domme Resumé vum Film kéint ee behaapten dass de Solomon vu Besëtzer zu Besëtzer geet fier enger Folterszene no der aanerer noozekucken. Spéidsdens no der drëtter Szene huet een sëch als Zuschauer "dru gewinnt" an et kéint sin dass een sëch doduerch gelangweilt fillt. Et kann een lo argumentéieren dass d'Geschicht halt sou ass, mee wann een noom Film driwwer nodénkt mierkt een wierklech dass de Film quasi neicht aanescht mëcht wéi een duerch eng Gewalt-Szene no der Aanerer ze zwéngen - gudd dass de wierklech gudd gemaach sin, soss géiff et vill méi nerven!

Alles an Allem fannen ech dass "12 Years a Slave" e gudde Film ass deen d'Réalitéit knallhaart weist an deen engem definitiv zum Noodenke bréngt. Och vum Bild hier war ech recht zefridden, zumools eben vun deenen laangen Plang Séquencen (also wann net geschnidde gëtt), genee sou wéi mat der Schauspillleeschtung vun sou zimmlech ALL Schauspiller, daat war wierklech en héische Niveau. Ech gin dem Film 8/10 op der berühmter Ulmerich-Skala - e war mer en Tick ze laang an ze repetitiv, trotzdem muss een dee Film wuel gesin hun, en weideren sauere Film vum Steve McQueen!

bis dohin,
stay tuned.

Dornröschen gëtt düster!

Et schéngt metlerweil en neien Trend ze sin, Geschichten ze huelen déi ee kennt, an sëch e Stéck dovun raus ze sichen vun deem et net sou wierklech vill Detailler gin, fier genau aus deem Stéck dann en neie Film ze maachen, en düstere Film. Dësen Trend hu mer gesin bei Filmer wéi "Alice in Wonderland", "Hänsel and Gretel" an lo gleich och nach bei "Noah".

Den neiste Film an dëser Reih ass d'Geschicht vum Dornröschen, eng Kannergeschicht déi jidderee vun eis bestëmmt auswendeg kennt; dëse Film beschäftegt sech allerdings mat der béiser Hex aus der Story, an déi gëtt vu kengem aaneren wéi dem Angelina Jolie gespillt - an daat ass och den Haaptgrond fier dëse Post: nodeems mer hat am Film "the Tourist" fier d'Lescht op der Leinwand gesin hun, mëcht et lo säi Comeback als béis Hex! Ech muss un dëser Plaatz zougin dass ech eigentlech e recht grousse Fan vun him sin, zumools vum Film "Wanted", och wann een iwwert dee stonnelang streide kann, schliesslech ass et en absolut sënnfräien Action-Film deen d'physikalesch Gesetzer ausser Kraft setzt ;). Hei mol den Teaser fier dësen düsteren "Kanner"film:

bis dohin,

stay tuned.

Movies: The Secret Life of Walter Mitty

The Secret Life of Walter Mitty - by Ben Stiller

Infosite mat Traileren a Biller

An dësem éischte Film vum Ben Stiller geet et em den éischter harmlosen a langweilegen Walter Mitty, gespillt vum Ben Stiller selwer. Hee schafft bei der Zeitung "Life" an ass dofier do dass d'Negativen déi d'Fotografen raschecken anstänneg a Behandlung kommen fier dass se an d'Zeitung kommen... säit Jooëren schafft heen mam Fotograf "Sean O'Connell" zesummen, dee fier déi allerlescht Ausgab vun "Life" dei PERFEKT Foto geschoss huet; leider fehlt grad daat Negativ an sou hëllt de Film säi Laaf!



Op den éischte Bléck wierkt de Film net wéi eppes waat een onbedingt kucke geet wann grad nach aaner Filmer laafen, mee menger Meenung no stëcht eng richteg Iwwerraschung hei dran! Vu fier eran ass klooër dass et kee mega serieuxen Sträiffe wert sin, an dass d'Story net atemberaubend gëtt, an trotzdem huet en daat ierjendwei drop! Dëst gëtt duerch 2 ganz einfach Komponenten erreecht: Witz a Bildopbau! Jo genau, ech hu grad Bildopbau gesoot, an ech mengen daat eescht!

Säit den éischte Puer Minute hun ech fonnt dass de Cadrage, also d'Art a Weis wéi a vu wou eppes gefilmt gëtt, richteg gudd ass, an eppes Schéines huet! Och no der nächster halwer Stonn hun ech suguer nach verstäerkt fonnt dass d'Cadragen eppes artistesches hun, an net mega banal sin. D'Stëchwuert ass hei "Léifft zum Detail". Ab engem bestëmmte Moment gewinnt een sëch un déi Art a Weis vu Kameraféirung a Bildopbau an et geet quasi normal weider. Spéidsdens wann et awer an Island a Grönland geet faszinéiert de Film rëm mat fantastesche Landschaften, déi menger Meenung no net (oder baal net) nobeaarbescht sin; ech war neemlech schon do, an et gesäit effektiv sou schéin do aus! Waat duerno kënnt fällt an de Bereich "Spoiler" mee och do kommen nach déi enger oder aaner Schéinheets-Bommen op een zou.

Op der aanerer Säit hu mer den Humor, schliesslech ass de Film an der Kategorie "Comedy"! D'Witzer gi gréisstendeels duerch dem Walter Mitty seng Daagesdreem gezielt - wärend sou engem Draam leeft de film amfong ganz normal weider, bis eppes komplett verrécktes geschitt. Bei dësen Szenen mëcht de Ben Stiller mat diversen Hollywood-Blockbusteren de Geck, ënner aanerem mat Transformers, 2012 an The Mysterious Case of Benjamin Button; ween dem Ben Stiller säin Humor net gäer huet, wert bei dësen Szenen éischter d'Aaë verdréinen... ech perséinlech hun awer gudd gelaach - oft brengen dës Szenen och neie Schwong an de Film, zumools am Ufank, wou et just em de langweilege Walter Mitty a säi Liewe geet. Spéider huelen dës Daagesdreem oof, an d'Geschicht gëtt e bësse méi serieux a spannend, ouni awer komplett op Witz ze verzichten.

ech zéie mäin Hutt fierum Ben Stiller, bis elo war ech kee sou e Fan vun him ;)

Alles an Allem fannen ech dass The Secret Life of Walter Mitty e recht gelongene Film ass, an ech war éischter positiv iwwerrascht wou ech gewuer gouff dass e vum Ben Stiller ass (daat wosst ech fierdrun neemlech net!). Ech kann ëmmer rëm widderhuelen wéi intressant d'Bildgestaltung war, daat huet mech wierklech beandrockt! E bëssen enttäuscht sin ech suguer dass en net ierjendwou fier bescht Cinematography nominéiert ass... Trotzdem gin ech dem Film keng super-duper-ultrahéisch Note well et, haaptsächlech storyweis, besser geet. Ech gin dem Film eng recht gudd 7.4/10 a kann de Film wierklech empfehlen; daat gëtt e gemiddlechen a suergefräien Owend am Kino. (Ajo, iwwregens huet de film 7.6/10 op der IMDb, ech verzaapen also net zu 100% Blödsinn hei ;). )

bis dohin,
stay tuned.

The Secret Life of the Sex Addicted Wall Street Slave

"Wi ass daat? Gëff mol Gas!" sou gouff ech haut vernannt well ech dëst Jooër nach neicht gepost hun, an daat zu Recht! Mee ierjendwei haat ech effektiv bis haut absolut keng Zeit fier eppes ze schreiwen! Déi éischt Woch vun dësem Jooër haat ech mat Léiere verbruet, well do halt meng Exame stattfonnt hun an ech noo engem laangem Léierdaag keng Energie méi opdreiwe konnt fier en anstännegen Artikel ze schreiwen.

No der Woch ass et awer richteg lassgaangen: ech haat vu Moies bis Owes ständeg eppes ze dinn, absolut "keng Freizeit", mee et war richteg geil... loosst mech erkläeren: Säit 3 Méint sin ech Deel vun engem Projet mam Numm "Lucy in the Sky with Diamonds" engem Kuerzfilm bei deem ech d'Roll vum "Director of Photography" iwwerhuelen, also deen Dude dee kuckt dass daat waat gefilmt gëtt anstänneg ausgeseit. En Tournage vun enger Szene leeft ënnert den Emstänn (en Team aus engem Grapp voll 16-21 Jähregen) extrem professionell oof an de ganze Projet rappt mëch einfach mat. Daat leit ënner Aanerem dorun dass ech effektiv VILL vun deem waat ech op der Uni léieren, direkt uwende kann um Set, an natierlech un der wierklech gudder Harmonie déi an der Crew herrscht! Seit Neistem hu mer dann och ugefaang noom Dréih direkt och d'Szene zesummen ze schneiden fier ze kucken ob d'Resultat eis gefällt... an daat mëcht et! Wann der méi iwwert de Film wëllt gewuer gin kënnt der op der Facebook-Säit ständeg à jour gehaale gin :).

Natierlech huet dee Filmdréih net meng ganz Freizeit gefriess, net fier neicht hun ech fierdrun "keng Freizeit" a Gänsefüssercher geschriwwen. Déi aaner grouss Partie déi mer se weschgeholl huet war de Kino! Ech war dëst Jooër lo schon 5 mol am Kino, an vu dass d'Filmer bei eis am Land meeschtens um 19:00 laafen, haat ech meeschtens keng Zeit fier en Artikel um 18:00 ze bréngen! Mee keng Panik, lo ass io rem Uni, also hun ech an der Woch rëm vill méi Zeit fier Posts ze schreiwen, an dofier geet et an den nächsten Deeg ënner aanerem mat Movie Reviews iwwer folgen Filmer weider: The Secret Life of Walter Mitty, The Wolf of Wall Street, 12 Years a Slave, Nymphomaniac an Homefront.

Lo maachen ech awer als éischt mol nach eng kleng Recherche fier méng nächst "Top 10" Lëscht, déi normalerweis och nach dëse Mount rauskomme wert!

bis dohin,
stay tuned.

GAME OF THRONES!!!

Ech hätt mer kee besseren Daag kënne raussichen fier noo menger Examenszeit de Blog rëm ze aktivéieren wéi dësen! Haut ass neemlech de gloreichen Daag wou den alleréischten Trailer fier déi 4t Staffell vu Game of Thrones rauskomm ass, waat laut menger Top 10 TV-Serien Lëscht déi absolut bescht Serie ass! Och wann der en lo schon all gesin hudd, kann ech et net loossen sou ee Meilenstein net ze posten!



bis dohin,
stay tuned.